Wednesday, April 13, 2011

bas chalte jana hai


kidhar ja raha hu pata nahi,
bas kadam le ja rahe hain....
zindagi ka safar hai aur bas,
chalte hi jana hai .... 

kahi aanch me tapkar jana hai.
to kabhi kaanch par chalkar jana hai...
rukta hu. thaherta hu fir chal padta hu,
kyuki kadmo ko to bas chalte jana hai .......

naye naate jodta hu,
kabhi purane hath chhodta hu..
chala aaya hu bahut door,
so kabhi peeche mudkar bhi dekhta hu.......

dekhta hu waha tak,
nigah meri le jaye jaha tak...
maalum padta hai kuch log ruth gaye hain.....
chhod diya hai unhone mera haath,
ya khud-ba-khud hi chhoot gaye hain.........

unhone kuch naye haathon ko thaama hai,
magar mere kadmo ko to bas chalte jana hai........

chal pado mere saath gar tumko aana hai
mujhe to nadi ki tarah bahte jana hai...
kya laayega aane wala pal,
kisne ye kabhi jana hai....
par mujhe ab bas chalte jana hai......

No comments:

Post a Comment